Активтер мен міндеттемелер туралы декларацияны кімдер тапсырады?

Активтер мен міндеттемелер туралы декларацияны келесі тұлғалар ұсынады:

 ҚР заңнамасына сәйкес декларация тапсыру міндеті жүктелген адамдар
(«Қазақстан Республикасындағы сайлау туралы» Конституциялық заңына,
«Сыбайлас жемқорлыққа қарсы іс-қимыл туралы»,
«Қазақстан Республикасындағы банктер және банк қызметі туралы»,
«Сақтандыру қызметі туралы»,
«Бағалы қағаздар рыногы туралы» заңдарға сәйкес).

 ҚР кәмелетке толған азаматтары – резиденттері, егер олардың Қазақстан Республикасынан тыс жерде:

• шетелде тіркеуге жататын мүлкі;

• шетелдік банктердегі шоттарында 31 желтоқсандағы жағдай бойынша жиынтығында 1000 АЕК-тен асатын қаражаты;

• инвестициялық алтыны;

• шетелде құрылған заңды тұлғалардағы үлесі;

• тұрғын үй құрылысына қатысу үлестері;

• шетелдік эмитенттердің бағалы қағаздары мен туынды қаржы құралдары;

• шетелдік брокерлік шоттардағы қаражаты;

• шетелдегі зияткерлік меншік және авторлық құқық объектілері;

• шетелдегі дебиторлық немесе кредиторлық берешегі;

• Кодекстің 423-бабында көрсетілген өзге де мүлкі болса.

 Декларацияны уақтылы және толық тапсыру – заң талаптарын сақтаудың маңызды шарты.