Батыс Қазақстан облысында жаңа Құрылыс кодексінің негізгі ережелері түсіндірілді

Батыс Қазақстан облысында Қазақстан Республикасының жаңа Құрылыс кодексінің ережелерін түсіндіруге арналған дөңгелек үстел өтті. Кеңес облыс әкімдігімен бірлесіп ұйымдастырылып, оған өңірдің бизнес-қоғамдастығы мен құрылыс саласының өкілдері қатысты.

Жиында Қала құрылысы және тұрғын үй-коммуналдық саясат департаменті директорының орынбасары Ерлан Кулушев пен аталған департаменттің Құрылыс саласын дамыту басқармасының басшысы Әсем Мұсылова қатысты.

Кездесу барысында қатысушыларға қабылданған Құрылыс кодексіндегі негізгі жаңашылдықтар, оны практикалық тұрғыда қолдану ерекшеліктері, сондай-ақ қала құрылысы мен құрылыс қызметін реттеуді жетілдіруге бағытталған жекелеген өзгерістер жан-жақты түсіндірілді. Әсіресе рәсімдерді оңайлату, ашықтықты арттыру және мемлекеттік органдар мен құрылыс нарығына қатысушылар арасындағы өзара іс-қимылдың тиімділігін күшейту мәселелеріне ерекше назар аударылды.

Іс-шара қорытындысы бойынша бизнес және құрылыс саласының өкілдері өздерін қызықтырған сұрақтар бойынша нақты түсіндірмелер алып, жаңа Құрылыс кодексі нормаларын іске асырудың практикалық аспектілерін талқылауға мүмкіндік алды.