Ресей федералдық қазынашылық өкілдері Астанаға келді

Қазақстан Республикасы Қаржы министрлігі Мемлекеттік қазынашылық комитеті мен Ресей Федералдық қазынашылығы арасында 2013 жылы жасалған Техникалық ынтымақтастық туралы Меморандум аясында Ресей Федералдық қазынашылығының делегациясы Астанаға жұмыс сапарымен келді. Делегацияны басшы орынбасары Наталия Горина бастап келді.

Екіжақты кездесуде тараптар қазынашылық қызметтің негізгі бағыттары бойынша тәжірибе алмасты. Қазақстан тарапы республикалық бюджет түсімдері мен қаржыландырудың сводтық жоспарын қалыптастыру, оның теңгерімделуі, Бірыңғай қазынашылық шоттағы қаражат қалдықтарын басқару, сондай-ақ кассалық жоспарлау мен өтімділікті болжау тәсілдері бойынша материалдарды ұсынды. Бұған қоса, ҚАБШ-ның құрылымы мен ақша қозғалысын болжаудың қолданылып жүрген әдістемелері таныстырылды. Ресей делегациясы өтімділікті басқару, Бірыңғай қазынашылық шоттағы қаражаттарды консолидациялау, репо және депозиттік операцияларды жүргізу, сондай-ақ таргеттеу тәжірибесі жөніндегі тәжірибемен бөлісті.