Халықаралық азаматтық авиация ұйымы жанындағы Қазақстан Республикасының Тұрақты өкілдігі

Халықаралық Азаматтық Авиация Ұйымы жанындағы Қазақстан Республикасы Тұрақты өкілдігінің ресми сайтына қош келдіңіз!

ҚР Жоғарғы Кеңесінің 1992 жылғы 2 шілдедегі №1503-XII қаулысымен Қазақстан Республикасы Халықаралық Азаматтық авиация туралы Конвенцияны (1944 жылғы 7 желтоқсандағы Чикаго конвенциясы) ратификациялады.

2024 жылғы 25 наурызда Қазақстан Республикасы Президентінің    № 501 Жарлығымен Монреаль қаласында (Канада) ИКАО жанындағы Қазақстан Республикасының Тұрақты өкілдігі құрылды.

2024 жылғы 16 мамырда Қазақстан Республикасы Президентінің № 552 Жарлығымен Т.К.Тлегенов ИКАО жанындағы Қазақстан Республикасының Тұрақты Өкілі болып тағайындалды.

Қазақстан Республикасының Тұрақты Өкілдігі елдің халықаралық авиациялық қоғамдастықтағы беделі мен рөлін арттыруға жәрдемдеседі, сондай-ақ елдің ИКАО-мен, оның ажырамас құрылымдарымен өзара іс-қимылын нығайтуға, ұшу қауіпсіздігі, авиациялық қауіпсіздік, қоршаған ортаны қорғау, аэронавигация мәселелерінде ИКАО стандарттары мен ұсынымдарының сақталуы мен сәйкестігіне, қазақстандық сарапшылар мен мамандардың мамандандырылған авиациялық қоғамдастыққа қатысуын қамтамасыз етуге белсенді қатысады техникалық іс-шаралар және т. б.