«KazAID» Басқарма мүшесі – Әріптестік және аймақтық жобалар Департаментінің Директоры бос лауазымына орналасуға конкурс жариялайды

«KazAID» Қазақстандық халықаралық даму агенттігі» КЕАҚ Басқарма мүшесі – Әріптестік және аймақтық жобалар Департаментінің Директоры бос лауазымына орналасуға конкурс жариялайды.

 

Функционалдық міндеттері:

1) Агенттіктің даму стратегиясын әзірлеу және іске асыру;

2) Департаменттің мақсаттары мен міндеттерін айқындау, жұмысын жоспарлау және үйлестіру;

3) Жобалық ұсыныстарды, ынтымақтастықтың үлгілік бағдарламаларын әзірлеу, әлеуетті шетелдік әріптестер мен донорлардың ұсыныстарын талдау, халықаралық әріптестермен ынтымақтастық туралы меморандумдар мен келісімдерді әзірлеу және сүйемелдеу;

4) Дамуға ресми көмек (бұдан әрі - ДРК) көрсету іс - шаралар жоспарын әзірлеуге және іске асыруға қатысу;

5) ДРК саласында халықаралық ұйымдармен, қаржы институттарымен, салалық ұйымдармен, Қазақстан Республикасында аккредиттелген дипломатиялық өкілдіктермен өзара іс-қимылды қолдау;

6) Агенттік қызметін ілгерілету шеңберінде халықаралық іс-шараларды ұйымдастыру, шетелдік ұйымдар мен дипломатиялық өкілдіктер өкілдерімен Агенттік басшылығының ресми және жұмыс кездесулерін, Агенттік басшылығының шетелдік жұмыс сапарларын ұйымдастыру;

7) ДРК саласында ақпараттық-талдамалық қамтамасыз етуді ұйымдастыру;

8) ЭЫДҰ дамуға жәрдемдесу Комитетінде статистикалық есепті дайындау жұмысын басқару;

9) Департаменттің жобаларын басқару;

10) Атқарушылық тәртіпті бақылау, Департамент қызметкерлерінің тиімділігін бағалау.

 

Үміткерлерге қойылатын талаптар:

1) Тиісті мамандық бойынша жоғары (немесе жоғары оқу орнынан кейінгі) білім (экономика, халықаралық қатынастар, жобаларды басқару, халықаралық даму, мемлекеттік саясат және т. б. салаларда);

2) Мемлекеттік органдардың құжат айналымы қағидаларын білу, мемлекеттік органдарға хат жазу дағдыларының болуы;

3) Мемлекеттік органдарда, республикалық квазимемлекеттік ұйымдарда, халықаралық даму ұйымдарында жобалау қызметіне байланысты басшы лауазымдарда кемінде 5 жыл жұмыс өтілі;

4) Қазақ, орыс және ағылшын тілдерін С2 деңгейінен төмен емес білу. Қосымша шет тілдерін меңгеру құпталады;

5) Дамуға ресми көмек саласындағы қатынастарды реттейтін Қазақстан Республикасының нормативтік құқықтық актілерін, персоналды басқарудың заманауи әдістерін, сыбайлас жемқорлыққа қарсы заңнаманы білу;

6) Жобалық басқару саласында білімі бар болуы, жоба менеджері сертификатының болуы құпталады.

Түйіндемелерді келесі электрондық поштаға жіберу қажет: office@kazaid.kz

Қабылдау мерзімі: 2025 жылдың 20 маусымына дейін.