"Бюджет, қаржы, экономика және кәсіпкерлікті дамыту мәселелері" жөніндегі тұрақты комиссиясының отырысы өткізілді.

2025 жылдың желтоқсан айының 25 күні «Бюджет, қаржы, экономика және кәсіпкерлікті дамыту мәселелері» жөніндегі тұрақты комиссиясының отырысы болып өтті. Отырыстың күн тәртібіне сай «Қаратөбе аудандық мәслихатының 2024 жылғы 20 желтоқсандағы №22-4 «Қаратөбе ауданының 2025-2027 жылдарға арналған аудандық бюджеті туралы» шешіміне өзгерістер енгізу туралы» шешім жобасымен аудандық экономика және қаржы бөлімінің басшысы Б.Нұрмағамбетов таныстырды. Қаратөбе ауданының 2026-2028 жылдарға арналған аудандық және ауылдық округтерінің бюджеттері қаралды.

Депутаттар тарапынан қойылған сұрақтарға тиісті жауаптар берілді. Күн тәртібіндегі мәселені комиссия мүшелері бірауыздан мақұлдап, аудандық мәслихаттың кезекті 35 сессиясына бекітуге ұсынылды.