Қарағанды облысында 1 маусымда әлеуметтік кәсіпкерлік тізіліміне енгізуге өтінімдер қабылдау басталады

Қарағанды облысында 1–15 маусым аралығында әлеуметтік кәсіпкерлік тізіліміне енгізуге өтініштер қабылданады. Бұл мәртебе дамуға және мемлекеттен қолдау алуға мүмкіндік береді.

Қарағанды облысының кәсіпкерлік басқармасына (Әлиханов к-сі, 13, каб. 306) не ЖК немесе заңды тұлғаның тіркелген жері бойынша қалалар мен аудандардың кәсіпкерлік бөлімдеріне жіберіледі.

Толық ақпаратты келесі телефон нөмірлері бойынша алуға болады: (8-7212) 50-38-76.

Әлеуметтік кәсіпкерлік субъектісі бола алатындар:

- халықтың әлеуметтік осал топтарын жұмыспен қамтамасыз ететін кәсіпкерлер;

- бірінші санаттағы халықтың әлеуметтік осал топтарына тауарларды өткізуге, жұмыстарды орындауға және қызметтерді ұсынуға ықпал ететін кәсіпкерлер;

- мүгедектігі бар адамдар үшін тауарлар шығаратын не түрлі әлеуметтік-тұрмыстық, әлеуметтік-медициналық қызметтер көрсететін және басқа да қоғамдық пайдалы бағыттар бойынша кәсіпкерлер;

- отбасыны, баланы және ананы қолдау, білім беру бағдарламаларын іске асыру, даму ерекшеліктері бар балаларды психологиялық-педагогикалық қолдау, әлеуметтік қызметкерлер мен еріктілерді оқыту, қоршаған ортаны қорғау және басқа да қызмет түрлері саласында жұмыс істейтін кәсіпкерлер.