12 мамырда медбикелер кәсіби мерекесін атап өтеді
Бірде-бір аурухананы медперсоналсыз елестету мүмкін емес. 12 мамыр –Халықаралық мейірбике күні. Қарағанды облысында бұл кәсіп бойынша 7248 медбике мен мейіргер қызмет етеді.
Соңғы жылдары пациенттерге көмек көрсетуде орта медицина қызметкерлерінің рөлі әлдеқайда тиімдірек бола түсті. Қазір кеңейтілген тәжірибедегі медбикелер пациенттерді дербес қабылдауды және динамикалық бақылауды жүргізеді, тегін дәрі-дәрмектер жазып береді, скринингтер мен вакцинация жүргізеді, медициналық және электрондық құжаттаманы жүргізеді және басқа да көптеген істермен айналысады. Әрине, мұндай кең ауқымды міндеттер – үлкен жауапкершілік. Әдетте, медбикелер мен мейіргерлер – өз мамандығын шын жүректен сүйетін және кез келген жағдайда науқастарға көмектесуге дайын адамдар.
Кәсіп пен адамгершілікке деген адалдықтың жарқын мысалы – Марина Копбаева. 1989 жылы ол медициналық училищені бітіріп, медбике болып жұмысқа орналасқан. Енді 36 жылдан кейін ол Мақажанов атындағы клиникада мейірбике ісі жөніндегі директордың орынбасары қызметін атқарады.
– Мен үшін медицина – отбасылық іс. Тәтем мен екі әпкем медбике болды, мен олардың ізін басып, осы жолды таңдадым. Училищеден кейін бірден реанимацияға орналастым. Жұмыс істеу маған өте қызықты болды. Нәтижесінде мен реанимацияда 25 жыл жұмыс істедім, оның 10-ын анестезиология және реанимация бөлімінің бас медбикесі қызметінде өткіздім. Содан кейін Мақажанов атындағы клиниканың бас медбикесі, одан кейін директордың орынбасары болдым. Жалпы, өмір бойы бір ауруханадамын, – дейді Марина Копбаева.
Мейірбике жұмысында қиындықтар мен күйзеліс жағдайлары жетерлік. Алайда, Марина Копбаева бұл киындықтар оның жолында кедергі болуына мүмкіндік бермейді. Ол өзі мойындағандай, оның басты құпиясы - кәсіпке деген сүйіспеншілік пен жұмысты жеке өмірінен ажырата білу.
– Мен өте бақыттымын: мен әлі күнге дейін істеген ісімнен ләззат аламын. Мен адамдарға қажет болғым келеді. Яғни, халат пен бетперде кигенде, сен бәрінің алдында таза болуға міндеттісің. Сен өзіңе тиесілі емессің. Кейін, ауысым аяқталып, сен киіміңді ауыстырғанда, сен тағы да кәдімгі адамсың, ал халатта медбикесің, – деп есептейді Марина Копбаева.
Марина Копбаева сондай-ақ жас мамандарға көмектесетін қауымдастықтармен белсенді ынтымақтастық жасайды. Ол өз ісін керемет жақсы көретін тәлімгерлер ғана кәсіпқойлардың жаңа буынын өсіре алатынына сенімді.
– Менің жақсы тәлімгерлерім болды, оларды мен әлі күнге дейін жылы сезіммен еске аламын. Бұл өте маңызды. Мен де жастар үшін осындай тәлімгер болуға тырысамын. Ол қазір өзгеше, бізге ұқсамайды. Бірақ бұл жастардың нашар маман болатынын білдірмейді, мүлдем олай емес. Оларға өз көзқарасын табу керек, – дейді Марина Копбаева.
Барлық медбикелер мен мейіргерлерді кәсіби мерекелерімен құттықтаймыз!