Сәуірде Қарағандыда төрт шағын ауыл шаруашылық жәрмеңкесі өтеді

Қарағандылықтарды қалалық ауылшаруашылық шағын жәрмеңкелеріне шақырады. Олар сенбі күндері – 5, 12, 19 және 26 сәуірде өтеді. Сауда сағат 09:00 басталады.

Тұрғындарға қолайлы болуы үшін жәрмеңке қаланың үш секторында ұйымдастырылады:

- Оңтүстік-Шығыста – Global City фермерлік орталығы, 134 есептік квартал, 921 құрылыс;

- Майқұдықта – «Ұмай» СҮ, Карл Маркс көшесі, 9;

- Пришахтинскіде – «Молодежный» мәдениет сарайының алдындағы алаң, Металлистер көшесі, 24/2 құрылыс.

Жәрмеңкелерде ауыл шаруашылығы, ет-сүт өнімдерін және жергілікті тауар өндірушілердің өнімдерін нарықтағы орташа бағадан төмен бағамен сатып алуға болады.