Ермағанбет Бөлекпаев Amanat партиясының филиалында азаматтарды қабылдады

Қарағанды облысының әкімі Ермағанбет Бөлекпаев Amanat партиясының филиалында азаматтарды қабылдау өткізді. Мұндай кездесулер мұнда тоқсан сайын өткізіліп, тұрғындарға өңір басшысымен тікелей кездесуге мүмкіндік береді.

Биылғы алғашқы кездесу көптеген тақырыптарды қозғады: тұрғын үй, зейнеткерлер мен мүгедектігі бар адамдарды шипажай-курорттық емдеу, медициналық көмек. Сондай-ақ, бизнес өкілдері сұрақтар қойып, проблемаларын ортаға салды.

Тұрғындардың бірі, сирек кездесетін аурумен ауыратын баланың анасы өмірлік қажеттілігі бар дәрі-дәрмек сатып алуды тездетуді сұрады. Ермағанбет Бөлекпаев денсаулық сақтау басқармасының басшысына бірден тапсырма берді.

Кейбір сұрақтарға жауап сол жерде берілді.

Егжей-тегжейлі қарастыруды талап ететін өтініштер бақылауға алынды.

Жалпы алғанда, барлық мәселелер қолданыстағы заңнама шеңберінде көмектің ықтимал нұсқаларын қарастыру үшін қабылданды.