Қарағандылықтарды балалық шақ туралы картиналар көрмесіне шақырады

Қарағандыдағы «Алтын ғасыр» галереясында балаларға арналған «Жақсы түс терезе қағады» атты картиналар көрмесі өтеді. Экспозицияда жас суретші Дмитрий Кецманның жұмыстары ұсынылады.

Дмитрий Кецман – қарағандылық суретші, Ұлыбританияның жаһандық таланттар конфедерациясының алтын одақтасы, Мәскеудің халықаралық суретшілер одағының мүшесі, көптеген халықаралық фестивальдер мен конкурстардың лауреаты.

«Жақсы түс терезе қағады» жеке көрмесі ол үшін бірінші көрме емес.

– Бұл көрме үшін мен арнайы жұмыстар дайындадым. Әдейі балаларға, олардың ішкі болмысына арнадым. Фотографтармен жұмыс істедім. Олар маған суретке айналдырған балалармен қызықты кадрлар жіберді, – деді суретші.

Экспозицияда майлы бояулармен кенептерге салынған 19 туынды болады. Олардың барлығы фэнтези жанрында жазылған, онда шындық әлі шекарасы жоқ балалар қиялының жарқын бояуларымен үйлеседі.

– Бұл көрменің мақсаты – балалардың ішкі әлемінің алуан түрлілігін көрсету. Олардың қиялдары, армандары және сиқырға деген сенімі. Біз ертегілерге сенетін өмірдің бөлігі өте қысқа. Сондықтан да көрме ең алдымен ересектерге уақыттың қаншалықты тез өтіп жатқанын еске салады, – дейді Дмитрий Кецман.

Көрме 1 наурызда сағат 16:00 Комиссаров көшесі, 35а мекен-жайы бойынша «Алтын ғасыр» галереясында ашылады. Кіру тегін. Көрмені 6 наурызға дейін тамашалауға болады.