Теміртауда Жедел басқару орталығы ашылады

Теміртауда биыл қалалық полиция басқармасының базасында Жедел басқару орталығы ашылады. 

Қарағанды облысы полиция департаментінің бастығы Неғмет Исмағұлов оны іске қосуға байланысты дайындық жұмыстарымен танысты, деп хабарлайды Polisia.kz.

ЖБО-на қалада орнатылған сегіз мың бейнебақылау камерасының үш мыңға жуығы қосылады. Бұл құқық қорғау қызметкерлеріне оқиғаларға жедел ден қоюға, криминогендік жағдайды бақылауға, сондай-ақ білім беру мекемелері мен балабақшалардың қауіпсіздігін қамтамасыз етуге мүмкіндік береді.

Облыстық полиция басшысы жедел және ахуалдық орталықтарды іске қосуға дайындықты күшейтуді және оларды қысқа мерзімде толық қуаттылыққа шығаруды тапсырды.