Қарағандылық оқушылар тіл білімі бойынша республикалық олимпиадада қола медаль жеңіп алды

Тіл білімі олимпиадасының үшінші, республикалық кезеңі аяқталды. Қарағандылық екі оқушы үшінші орынға ие болды.

Тіл білімі бойынша Республикалық олимпиадаға 8–11 сынып оқушылары қатысты. Интеллектуалды шайқастың соңғы кезеңінде олар үш лингвистикалық мәселені шешу керек болды. Олардың бірі моңғол тіліне, екіншісі неміс тіліне қатысты, ал үшіншісі математикамен байланысты болды.

№1 "Білім-инновация" лицей-интернатының он бірінші сынып оқушысы Санжар Қалиақпар және ақпараттық технологиялар мектеп-лицей-интернатының он бірінші сынып оқушысы Абдулла Сағынтай үшінші орынға ие болды.

– Бұл олимпиадаға қатысу өте қызықты болды. Есептерді шешу, оларды ойластыру – мен өзімді бір детектив сияқты сезіндім, – дейді Санжар Қалиақпар. 

Орта мектеп оқушысы өз өмірін лингвистикамен байланыстыруды жоспарламайтынын айтады: ол физика немесе бағдарламалаумен айналысқысы келеді. Алайда, тіл білімі олимпиадасына қатысу туралы шешім қабылдап, өз күшін сынамақшы болған.

– Мен бірінші орынға ие болмасам да, бұл олимпиададан күткен үмітім ақталды. Бұл тәжірибе мен үшін өте құнды, – дейді Санжар.