Қарағанды облысының әкімі Ермағанбет Бөлекпаевқа тікелей эфир кезінде келіп түскен сұрақтарға жауаптар
Жылыту, жол жөндеу, экология, абаттандыру: Қарағанды облысының әкімі Ермағанбет Бөлекпаев тікелей эфир кезінде телефон арқылы әлеуметтік желілерге, WhatsApp-қа келіп түскен сұрақтарға жауап берді.
ТКШ
– Сұрыптауда резервтік су құбыры қашан жүргізіледі? Жазда № 6 су құбыры жиі жарылады.
– Сұрыптауға ұзындығы 2,8 км құрайтын диаметрі 500 мм № 6 суағар учаскесін реконструкциялау жұмыстары 2023 жылдың қараша айының соңында басталды. Мердігер ұйым қазіргі уақытта 2,4 км құбыр салды. Қайта құру жұмыстары биыл аяқталады.
– Саран қаласындағы Горняк шағын ауданының тұрғындары орталық жылу көзіне қашан қосыла алады? Адамдар үш қабатты үйлерде тұрады және электр қуатымен, қатты отын арқылы жанатын қазандықтармен жылытылады.
– Биыл Горняк шағынауданында жылумен жабдықтаудың магистральдік желілерін төсеу жұмыстары жүргізілетін болады, тұрғындар үйішілік құбырлар мәселесін шешуі қажет. Әкімдік пен мердігер ұйымның қызметкерлері жұмыс бойынша барлық қажетті консультациялар өткізеді. Балама ретінде тұрғындар Қарағанды облысының ТКШ жаңғырту орталығының бағдарламасына қатыса алады.
– Шахтинск тұрғындарын жылумен жабдықтау бойынша ақпан айына қайта есептеу жүргізіле ме?
– 2024 жылғы ақпанда "Қазгидромет" РМК көрсеткіштеріне сәйкес ауа температурасы орташа есеппен -13,5 °С құрады, бекітілген температуралық кестеге сәйкес станция коллекторларындағы желілік судың нормативтік температурасы 72,1/55,9°с сәйкес келуі тиіс. Коммерциялық есепке алу құрылғыларының көрсеткіштері бойынша желідегі судың орташа нақты температурасы 72,3/53,4 °с
Жылуды есепке алу аспаптары бар тұтынушыларға осы жылдың ақпан айында қайта есептеу жүргізілмейді.
Жылуды есептеу аспаптары жоқ тұтынушыларға қайта есептеу 2019 жылғы 19 қарашадағы № 90 "Тарифтерді қалыптастыру қағидаларының" 521, 527, 531-тармақтарына сәйкес сыртқы ауаның нақты температурасын ескере отырып, жылыту кезеңінде жүргізіледі.
– Шахтинск ЖЭО жөндеу жоспарланған ба?
– Шахтинск ЖЭО 2023-2024 жж. жылыту маусымында екі қазандық агрегатымен, біреуі резервте жұмыс істеуде.
2023 жылғы жөндеу науқаны кезінде орындалған іс-шаралар жылу желілерінің тозуын 64,7%-ға дейін (0,5% - ға төмендеу) және негізгі жабдықтардың тозуын 74,2% - ға дейін (2,3% - ға төмендеу) төмендетуге мүмкіндік берді.
2023 жылы жылу желілеріне техникалық аудит жүргізілді. Оның нәтижелері бойынша нақты техникалық жағдайды бағалау жүргізілді және күрделі жөндеу, жылу желілерін жаңғырту және реконструкциялау үшін техникалық ұсынымдар дайындалды.
2024 жылы № 2 ст. бқз-75-39 ФБ магистральдық желілері мен қазандық агрегатын реконструкциялауға ЖСҚ әзірленетін болады.
Сондай-ақ № 1, 3, 4 ст. БКЗ-75-39 ФБ қазандық агрегаттарын; № 1 ст. пр-6-35/5/1, 2 ст. турбоагрегатын ағымдағы жөндеу; № 2 ст. пр-6-35/5/1, 2 ст. турбоагрегатын күрделі жөндеу; диірмендердің үш роторын сатып алу және ауыстыру; ГРУ, АБК шатырын, жабдық қоймасын жөндеу; № 1 негізгі деаэраторды, шикі судың екі жылытқышын және № 2 редукциялық-салқындату қондырғысын ауыстыру; желілік судың негізгі және ең жоғары жылытқыштарын қайта орау; №2 ст.мазут сыйымдылығын жөндеу.
– Неліктен Абайдың "БАМ" ауданындағы үйлерді орталық жылыту жүйесіне қосу мүмкіндігі жоқ?
– Энергетикалық аудит шеңберінде (02.04.2018 ж. 18-ЕА-002) Абайда сорғылардың нақты өнімділігі өлшенді. Өлшеу нәтижелері бойынша жылыту маусымында "Бам" сорғысында салқындатқыштың есептік шығыны 689 текше метр/сағ құрайды (мүмкіндік 98%). Сонымен қатар, жабдық ескірген және қайта құруды қажет етеді. Осылайша, қосымша тұтынушыларды қосу мүмкін емес.
Бірақ "ҚарГРЭС-тен Абай сорғысына дейін және Абай қ. ТК-15-ке дейінгі жылу желілерін қайта жаңарту" жобасын іске асыру кезінде қосымша тұтынушыларды қосу мәселесі қаралатын болады.
Сондай-ақ, "Саран қаласы, Ақтас кенті және Дубовка ауылының газ тарату желілерін салу" жұмыс жобасы бар. Оны іске асырғаннан кейін Абайды газдандыру мәселесі қосымша қаралатын болады.
– Тұрғын үй қорын жаңғырту орталығы арқылы жаңа қаладағы үйлерді газға қосуға қаржы бөліне ме және 2024–2025 жылдарға арналған сома қандай?
– Пилоттық жоба аясында 2023 жылы Қарағанды облысының тұрғын үй қорын жаңғырту орталығы арқылы Қарағанды мен Теміртаудағы орталық газбен жабдықтауға 300 жеке үйді қосуға облыстық бюджеттен 323 млн теңге бөлінді. Жыл қорытындысы бойынша барлық 300 үй қосылды, оның 233-і Қарағандыда, 67-сі Теміртауда.
Биылғы жылы жеке сектор үйлерін республикалық бюджет есебінен орталық газбен жабдықтауға қосу мәселесі қаралуда. Қарағанды мен Теміртаудағы үйлерді анықтау және қаржылық-экономикалық негіздеме дайындау бойынша жұмыстар жүргізілуде.
Жоғарыда аталған бағыттар бойынша жұмыстарды 2024 жылдың екінші тоқсанында аяқтау жоспарлануда.
– "Орбита" шағын ауданы мен "Жаровня" дәмханасы арасында жеке сектор қашан газдандырылады?
– Аудан газбен жабдықтау желілерін салу кезегінің 5-ші іске қосу кешеніне кіреді. Құрылыс-монтаждау жұмыстарының басталуының болжамды мерзімі – 2024–2025 жылдар.
Абаттандыру
– Сейфуллин, 99/1, Қарағанды және Ермеков көшесі, 30 мекенжайындағы тұрғындар көше жарығының жоқтығына шағымданды.
– Мердігер ұйым Сейфуллинде көше жарығын қалпына келтіреді, ал Ермеков көшесінде диагностика жүргізеді және қалпына келтіру мүмкіндігін зерттейді.
Жолдар
– Қарағанды – Саран – Шахтинск – Шахан автожолы қашан жөнделеді?
– Бүгінгі таңда жоба мемлекеттік сараптамадан өтуде. Маусым айында қорытынды алу және бюджет қаражатын бөлу кезінде аталған автожолды күрделі жөндеу жұмыстарын жалғастыру жоспарлануда.
– Шахтинск қаласындағы, өнеркәсіптік аймақтағы жолды жөндеу жоспарланған ба? Ол Сәрепті, Самарка ауылдарына, сондай-ақ Ленин шахтасына апарады.
– 2024 жылы Ленин шахтасы автомобиль жолында "Ақжарық Көмір" ЖШС жолды жөндеуді жоспарлап отыр.
Экология
- Жыл сайын Нұра өзені таязтанып келеді, шаралар қабылданады ма?
– Қарағанды облысының экология басқармасы жыл сайын өзендердің, оның ішінде Нұра өзенінің таяздануына жол бермеу мақсатында өзендерге санация жүргізеді. 2022-2023 жылдары өзен жағасында, Шахтерское, Егінді, Тассуат ауылдарында санация жүргізілді. Жақын арада Нұра өзенінің арнасын кеңейту және өсіп кеткен жабайы талды кесу жоспарлануда.
– Ботақара кентінің әкімі сұйық тұрмыстық қалдықтарды алдын ала тазаламай далаға төгуге рұқсат берді, дегенмен бұған тыйым салынған. Кентте жергілікті тазарту құрылыстары бар. Бұл мәселе бойынша қандай шаралар қабылданады?
– Сұйық тұрмыстық қалдықтар "Ботақара кенті әкімінің аппараты" ММ балансындағы кәріз қалдықтарын жинақтағышқа төгіледі. Сұйық тұрмыстық қалдықтар далаға төгілмейді. Бұл мәселе құзыретті органдардың бақылауында.
Қауіпсіздік
– Қарабас тұрғындары кентте бейнебақылау камераларын орнатуға жәрдем көрсетуді сұрайды.
– Қарабаста бейнебақылау камераларын орнату мәселесі аудандық бюджетті нақтылау кезінде қаралатын болады.
– Төменгі Майқұдық тұрғындары 14-шағын аудандағы автостанцияның жанына стационарлық полиция бекетін орнатуды сұрайды.
– Тиісті ұсыныс хат Қарағанды облысының ПД-не жолданды.
Білім
– Үлкен Михайловка станциясында 44-ші мектеп бұзылды. Жаңасын салуды сұрайды.
– № 44 ЖББОМ ғимараты апатты деп танылып, бұзылды. Қазіргі уақытта жаңа мектеп ғимаратының құрылысына жобалық-сметалық құжаттама әзірленуде.
Цифрландыру
– Челюскин көшесінің тұрғыны деректер базасында өз пәтерінің жоқтығына шағымданды, екі жыл бойы мүлік салығын төлей алмауда.
– Мәселе шешілді. Кадастрлық базада ол үй мен мекен-жайы көрсетілген.