Сарандағы көкпарда 50 ге жуық шабандоз бақ таластырды

Саран қаласында ұйымдастырылған көкпарға Қарағанды облысынан, еліміздің басқа өңірлерінен және Өзбекстаннан 50-ге жуық шабандоз қатысты. Нағыз жігіттердің ойынын көруге жүзге жуық көрермен келді.

Көкпарды Саран қаласының белсенділері ұйымдастырды. Олардың ұстанған басты мақсаты – ұлттық спорт түрлерін насихаттау.

– Көкпарды өткізудің бастамашысы қаламыздың тұрғындары болды. Ойын 106-шы ауыл мен Саран арасында өтті. Бізге Нұра, Шет аудандарынан, Шахтинск, Дубовка, Астана, Түркістан облысынан, тіпті Өзбекстаннан шабандоздар келді, – дейді ұйымдастырушылардың бірі Нұрболат Орынбаев. – Ойын қызықты болды, барлық шабандоздар олжалы болуға тырысты. Ал біз көрермендер үшін қолайлы жағдай жасадық. Балалар мен жастар көп болды.

Көрермендер мен ұйымдастырушылардың пікірінше, ең үздік шабандоздардың бірі Нұра ауданынан Қуандық Ермұхан болды. 27 жастағы ер адам ойындардың тұрақты қатысушысы екенін жасырмайды және бірнеше рет жеңімпаз атанды.

– Көкпар – жігіттің де, олардың жылқыларының да мінезін сынау. Жыл сайын шабандоздардың саны артып келе жатқаны жақсы. Халық ойындарды қуана бақылайды, барлық жағынан қолдайды. Сарандағы көкпардың ұйымдастырылуы жоғары деңгейде болды. Мен 10 жыл бойы көкпармен айналысып келемін. Бұл жолы әкімдіктен алғыс хат алып, келесі ойындарға дайындалып жатырмын, – деді Қуандық Ермұхан.

Алғыс хаттарды тағы төрт шабандоз алды – екеуі Шет ауданынан және Өзбекстаннан келген екі қонақ.