Қарағанды облысының құрамасы Қазақстанның Паралимпиада ойындарында жеңіске жетті

Қарағанды облысының құрамасы Қазақстанның VI Жазғы Паралимпиада ойындарында бірінші жалпы командалық орынға ие болды. Спортшылар 44 алтын, 15 күміс және 10 қола жүлдеге ие болды.

Жарыс 11–30 мамыр аралығында Алматы, Астана және Ақтөбе қалаларында өтті. Оларға еліміздің 20 өңірінен мыңнан астам спортшы қатысты. Олар 10 спорт түрінен жарысты: жеңіл атлетика, жүзу, отырып ойнайтын волейбол, пауэрлифтинг, үстел теннисі, голбол, парадзюдо, паратхэквондо, параоқпен ату, 5*5 футбол.

Қарағанды облысынан 66 спортшы қатысты.

Ең көп қарағандылықтар жүзуде – 28 жоғары медальмен, сондай-ақ жеңіл атлетикада – 13 бірінші орынмен ерекшеленді. Жас голбол командасы алғаш рет осындай ірі жарыстарға қатысып, үшінші орынға ие болды.

Жарыс қорытындысы бойынша Қарағанды облысының құрамасы бірінші жалпыкомандалық жүлдені жеңіп алды. Екінші орында Атырау облысы, үшінші орында Ақтөбе облысы тұр.

ҚР Паралимпиада ойындары 2024 жылы Париждегі Паралимпиадаға қатысу үшін ұлттық құраманы қалыптастыруға іріктеу кезеңі болмақ.

Қарағанды облысының дене шынықтыру және спорт басқармасының ақпараты бойынша