Жастарды Қазақстанның Халық жазушысы Тахауи Ахтановты еске алу байқауына қатысуға шақырады

Ж. Бектұров атындағы Қарағанды облыстық жасөспірімдер кітапханасы "Таланттың қырлары" республикалық интернет-байқауын өткізеді. Ол Қазақстанның Халық жазушысы Тахауи Ахтановтың 100 жылдығына арналған.

Байқауға 17 жастан 24 жасқа дейінгі қазақстандықтар қатыса алады.

Конкурс екі номинация бойынша екі тілде (қазақ және орыс)өткізіледі:

– "Мен Тахауи Ахтановты оқимын" – шығармадан үзіндіні көркем оқу;

– "Актерлік шеберлік" – Тахауи Ахтанов шығармаларындағы кейіпкерлердің бірінің монологын театрландырылған түрде орындау.

Шарт бойынша номинациялардың тек біріне ғана қатысуға болады.

Өтінімдер 2 қазанға дейін келесі электрондық мекенжай бойынша қабылданады: karaganda_oub@mail.ru.

Финал және қорытынды – ZOOM платформасында 13 қазанда өтеді.

Байқау ережесі сайтта жарияланған: http://uniorlib.kz/ru.

Байланыс телефондары: (8-7212) 43-07-04, 43-06-50, +7-700-393-64-40 (Жанара Жұмашқызы Картабаева).