Астанада Қарағанды фольклорлық ансамбльдері халық музыкасы мен би мерекесін ұйымдастырады

Қарағандылық "Арқа сазы" фольклорлық ансамблі мен "Аққу" фольклорлық-хореографиялық ансамблі елордада концерт береді. Халық музыкасы мен би мерекесі 23 мамыр күні сағат 19:00-де "Астана" концерт залында өтеді.

Солистер – Құрмаш Ыбышев, Ержан Базарбеков, Гүлмира Тапай, Ришат Шабденов, Нұрлытан Ермек, Арман Айнабаев (домбыра), Дариға Хамза (қыл қобыз) және Елжас Кәрімов (домбыра).

"Арқа сазы" фольклорлық ансамблі 2004 жылы құрылды, оның құрамында 20 адам бар. Репертуар негізінен халық әндері мен ойындарынан, сондай-ақ жергілікті композиторлардың шығармаларынан тұрады. Ансамбль "Шабыт" халықаралық фестиваліне қатысып, лауреат атағын жеңіп алды. Сондай-ақ Германия, Түркия, Франция, Кувейт сахналарында өнер көрсеткен.

"Арқа сазы" фольклорлық ансамблінің көркемдік жетекшісі – Мәдениет қайраткері Байғара Сәдуақасов.

"Аққу" фольклорлық-хореографиялық ансамблі 1993 жылы құрылған, оның құрамында 21 адам бар. Ұжымның репертуарында әлем халықтарының билері бар. "Шабыт" халықаралық фестивалінде ансамбльге лауреат атағы берілді. Ансамбль Германия, Оңтүстік Корея, Ирак, Швейцария, Франция, Түркия, Швецияда сәтті өнер көрсеткен.

"Аққу" фольклорлық-хореографиялық ансамблінің көркемдік жетекшісі – Мәдениет үздігі Назгүл Авилхан.

Анықтама телефоны: (8-7172) 75-22-00.