Қарағандыда "Би әлемі" облыстық байқауының жеңімпаздары анықталды

Қарағандыда "Би әлемі" Халықаралық би күніне арналған облыстық байқаудың қорытындысы шығарылды.

Оған Абай, Бұқар Жырау, Нұра, Қарқаралы, Шет аудандарынан, Теміртау мен облыс орталығынан хореографиялық ансамбльдер мен би ұжымдары қатысты.

Мағжан Жұмабаев атындағы гимназияның "Шолпан" Қарағанды ансамблі халықтық, стильдендірілген би жанры бойынша үлгілі хореографиялық ансамбльдер арасында Гран-при иегері атанды.

Көркемөнерпаздар ұжымдарының арасында Гран-приді "Айналайын" ансамблі жеңіп алды. Бұл ұжым да Қарағандыдан.

Эстрадалық заманауи би жанрында Гран-при көркемөнерпаздар ұжымы – қарағандылық Sabi dance би тобына берілді. Ансамбль 2016 жылдан бастап Бауыржан Момышұлы атындағы мектепте жұмыс істейді.

– Ол кезде акробатика элементтері бар заманауи билер біздің қаламыз үшін жаңа бағыт болды. Ең алғаш құрылғаннан бері хореограф Нұрғиса Керуенбаев бізбен бірге жұмыс істеп келеді. "Би әлемі" байқауына біз алғаш рет қатысып, дебюттік нөмірімізді қойдық. Бұл акробатика элементтері бар заманауи хип-хоп биі. Байқауды ұйымдастырудың жоғары деңгейін атап өтіп, бишілеріміздің жарқын эмоциялары үшін алғыс айтқым келеді, – дейді Sabi dance би тобының жетекшісі Сабила Биятова.

Жеңімпаздар Кеншілер мәдениет сарайында дипломдармен және ақшалай сертификаттармен марапатталды.

Сондай-ақ, режиссер-хореограф, Абай атындағы Қазақ ұлттық педагогикалық университетінің Музыка және хореография кафедрасының профессоры Алмат Құмаржановтың (Алматы) ансамбльдердің, ұжымдардың, студиялардың жетекшілері, педагогтары мен хореографтары үшін тегін шеберлік сабағы өтті.