Қарағандылықтарды маркетинг негіздерін тегін үйренуге шақырады

"Террикон алқабы" IT-hub-та 17 және 18 сәуірде "Классикалық және сандық маркетинг негіздері" тегін тренинг-практикумы өтеді. Оқыту бастаушы маркетологтарға, "маркетинг" бағытында білім алып жатқан студенттерге және осы салада мансап бастағысы келетін мамандарға пайдалы.

Екі күндік тренингті астаналық спикер – "Upside Agency" ЖК маркетолог-стратег Ырысгүл Жұмажанова өткізеді. Сарапшы түрлі салаларда, соның ішінде "Назарбаев Университеті" ДББҰ, "Самұрық-Қазына" Корпоративтік университеті" ЖМ, "Қазпошта" АҚ және басқа да салаларда 20-дан астам жобаны іске асыруға қатысқан.

Курста тыңдаушылар келесі бағыттарда білім алады:

- маркетингтің мәні және компаниядағы маркетологтың міндеттері;

- нарықты талдау және маркетингтік зерттеулер;

- мақсатты аудиторияны анықтау және сегменттеу;

- позициялау стратегиялары мен кезеңдері;

- тауардың өмірлік циклі;

- баға саясаты;

- тауарларды/қызметтерді жылжыту және тарату;

- digital-маркетинг негіздері;

- интернет-маркетинг құралдары және интернет-маркетологтың міндеттері;

- интернетте және әлеуметтік желілерде тауарларды/қызметтерді жылжыту стратегиясы.

Алынған білім мен дағдыларды пысықтауға көмектесетін практикалық жаттығулар да беріледі.

Курстың соңында қатысушыларға сертификаттар табысталады.

Тіркеу terricon.kz сайтында өтеді.

Тренингтің басталуы сағат 11:00-де.

"Террикон алқабы" IT-хабының мекенжайы: Алалыкин көшесі, 12.

Іс-шара Қарағанды облысының ақпараттандыру, мемлекеттік қызметтер көрсету және мұрағаттар басқармасының қолдауымен өткізіледі.