Қарағандыда Геологтар күніне орай "Аширит" тас әуесқойлары клубы көрме дайындады. Келушілер жеке коллекциялардан минералдар мен асыл тастардың бірегей экспонаттарын көре алады.
Көрменің ашылуы 30 наурыз күні сағат 15.00-де Экомұражайда (каскад алаңындағы "Центрказнедра" ғимараты, Бұқар Жырау даңғылы, 47) өтеді.
"Биыл "Аширит" Орталық Қазақстан өлкетану-туристік клубы мерейтойын атап өтуде. Қоғамдық бірлестікке 35 жыл толады. Экспозицияда Қазақстанның сиқырлы жер қойнауының құпия әлеміне ғашық геологтар, өлкетанушылар, зергерлер, суретшілер мен қарапайым қала тұрғындарының коллекциялары ұсынылады", – деп атап өтті көрмені ұйымдастырушылар.
Қазақстанда Геологтар күні сәуірдің бірінші жексенбісінде атап өтіледі. Биылғы жылы кәсіби мереке 2 сәуірге түсті.