Қасиетті Рамазан айы 2023 жылы қалай өтеді

Биыл мұсылмандар үшін қасиетті Рамазан айы 23 наурызда басталады, ал бірінші тарауих намазы күн батқаннан кейін 22 наурызда оқылады. Пітір садақаның мөлшері 535 теңгеге тең. Бұл сома елдегі 2 келі ұнның орташа бағасына есептелген.

Бұл туралы Қарағанды облысының бас имамы Естай Әбдіғали Әнет баба атындағы мешітте өткен брифингте мәлім етті.

– Рамазан айы – игі істердің уақыты. Облыс мешіттерінде түрлі қайырымдылық акциялары өткізіледі. Біз "Тегін такси" акциясын қайта жандандырамыз. Мен жанашыр адамдарды бізге көмектесуге шақырғым келеді. Сондай-ақ, аз қамтылған отбасыларға, студенттерге, жесірлерге және жетімдерге "Рамазан қоржыны", "Ауыз ашар себеті" ауызашарға себеттер таратуды жоспарлап отырмыз. Дәстүр бойынша мешіттеріміздің асханаларында үлкен ауызашарлар ұйымдастырамыз. Сондай-ақ әр жұмада "Қайырымды жұма", "Жомарт жұма" қайырымдылық акцияларын өткізетін боламыз. Сонымен қатар, балалар үйі мен қарттар үйіне барып, олар үшін ауызашарлар ұйымдастырамыз. Қасиетті айда әркім игі істер жасауға асығуы керек, – деп атап өтті Естай Әбдіғали.

Сондай-ақ, ай бойы облыс мешіттерінің имамдары әлеуметтік желілерде мен телеарналарда "Отыз күнге отыз сухбат" атты айдармен Рамазан туралы сұрақтарға жауап беретін болады.

– Рамазан айы – уағыз айту уақыты, сондықтан біздің имамдарымыз "Намаз оқып үйенейік", "Құран оқып үйенейік" дәрістерін оқитын болады, – дейді спикер.

Биыл Рамазанның ұзақтығы – 29 күн. Қасиетті Қадыр түні 17–18 сәуір аралығында болады. Ал 21 сәуір – Ораза Айт мерекесі.