Бұқар жырау ауданының Доскей ауылында жедел жәрдем станциясы өз жұмысын бастады
Бұқар жырау ауданының Доскей ауылында жедел жәрдем станциясы жұмыс істей бастады. Жедел жәрдем аудандық аурухананың жедел жәрдем подстанциясы базасында ашылды.
Доскей ауылының АДА-да жедел жәрдем көлігі бар, бірақ ол шақыртуларға қызмет көрсетуге арналмаған. Сондықтан тұрғындар ауылдан 50 шақырым жерде орналасқан аудандық аурухананың жедел жәрдем көлігін күтуге мәжбүр болды.
Жаңа пункттің ашылуы көптеген ауыл тұрғындарының жедел медициналық көмекке кезек күту уақытын қысқартты. Жедел жәрдем Доскейден бөлек, Қарақұдық, Көкпекті, Үштөбе, Құрылыс, Новостройка, Сарыарқа ауылдарының тұрғындарына да қызмет көрсетеді.
Бөлімше дәрігерлік амбулатория ғимаратында орналасқан. Жеке кіреберіс, екі шағын кабинет – киім ауыстыратын бөлме және жедел жәрдем қызметкерлеріне арналған диспетчерлік пункт бар.
Доскей ауылындағы пунктте фельдшер және жүргізушімен қамтылған. Олар аудандық станцияның аға фельдшеріне бағынады.
Кезекші бригада тәулік бойы жұмыс істейді. Бөлімше медициналық құрал-жабдықтармен, дәрі-дәрмекпен жабдықталған. Сондай-ақ бригаданың қарамағында қоңырауларды қабылдайтын планшет бар.
Жедел жәрдемді 103 телефоны арқылы шақыруға болады. Облыстық жедел жәрдем қызметінің диспетчері қоңырауды қабылдап, Ботақара ауылында орналасқан жедел жәрдем станциясына қайта бағыттайды. Одан кейін аудандық жедел жәрдем станциясының диспетчері хабарламаны Доскейге береді. Қоңырауларды өңдеу бір минуттан аз уақытты алады және жеделдік санатын анықтауға мүмкіндік береді.
Осылайша, Доскейдегі жедел жәрдем төртінші санаттағы шақыртуларға қызмет көрсетеді, яғни науқастың жағдайы оның өмірі мен денсаулығына қауіп төндірмейтін жағдайларда. Бірақ науқасқа шұғыл медициналық көмек көрсету қажет және оның өміріне ықтимал қауіп төнген бірінші, екінші және үшінші санаттағы жедел жәрдемдерге қалалық жедел жәрдем станциялары қызмет көрсетуді жалғастырады.