Жоспарлы стационарды алмастыратын көмекке Қарағанды облысында 8,5 млрд теңге бағытталады

Жоспарлы стационарды алмастыратын көмекке Қарағанды облысында 8,5 млрд теңге бағытталады

Биыл Қарағанды облысының медициналық ұйымдарында медициналық сақтандыру қорынан жоспарлы стационарды алмастыратын көмекке 8,5 млрд теңге бағытталады.

Жоспарлы стационарды алмастыратын көмек тегін медициналық көмектің кепілдік берілген көлемі шеңберінде де, МӘМС шеңберінде де көрсетілуі мүмкін. Сақтандырылған науқастар үшін бұл қызмет түрі тегін.

Мысалы, Осакаров ауданының орталық аудандық ауруханасында өткен жылы күндізгі стационарда жүрек-тамыр, өкпе, сүйек-буын жүйесі аурулары бар 962 пациент емделді. Артрозы, жүрек-қан тамырлары және басқа да аурулары бар тағы 60-қа жуық науқас үйде емделді. 

Жалпы тәжірибе дәрігері Наталья Сеферидиде учаскесінде үш науқас үй стационарында ем алады. Күзгі-көктемгі кезеңдерде олардың саны артады, өйткені созылмалы аурулар күшейеді. Дәрігер өз палаталарын 10 күн аралығында екі-үш рет айналып өтеді. Бірінші рет тексеру жүргізу және сынақтарға жіберу үшін, оның нәтижелері бойынша емдеу тағайындалады, содан кейін емдеуді түзету және динамиканы бағалау үшін. Медбике пациенттерге күнделікті барып отырады. Ол анализдер жинайды, дәрігердің тағайындауларын орындайды.

– Қазір гонартрозбен ауыратын науқастарда дерттің өршуі басталады. Мұндай адамдарға мүлдем жауруға болмайды, сондықтан олар үйде көмек алады. Сондай-ақ, сол санаттағы күндізгі стационарға баруға мүмкіндігі жоқ науқастар да бар. Біз пациентке емделуге ыңғайлы уақытты келісеміз және оны өткіземіз. Емдеу 10 күнге дейін созылуы мүмкін, – деді жалпы тәжірибе дәрігері Наталья Сефериди.

Қарағанды облысында барлығы 70 медициналық ұйым стационарды алмастыратын көмек көрсетеді. Мұндай көмекке күндізгі стационар жатады, онда тәулік бойы бақылауды қажет етпейтін пациенттер, стационардан шығарылғандар және қалпына келтіру емін жалғастыратындар емделе алады. Сонымен қатар, кейбір жағдайларда емдеу үйде жүргізілуі мүмкін. Көмектің бұл түрі медициналық ұйымға бара алмайтын науқастарға арналған.

Медициналық сақтандыру қорының Қарағанды филиалының ақпараты бойынша