Қарағандылық құтқарушылар тобы Түркиядан оралды

Қарағандыда Түркиядан келген құтқарушылар тобы кездесті.

Жойқын жер сілкінісінің салдарын жоюға 15 қарағандылық – ТЖД және Апаттар медицинасы орталығының қызметкерлері қатысты. Апат аймағында олар 8 ақпаннан бастап жұмыс істеді.

Түркияның үш өңірінде іздестіру-құтқару жұмыстарын жүргізу басталғаннан бері Қазақстан ТЖМ құтқарушыларының күшімен жеті адам құтқарылды, 88 қаза тапқан адамның денесі, оның ішінде 10 баланың денесі үйінділер астынан шығарылды. Құтқарушылар қолмен, сондай-ақ инженерлік техниканы, авариялық-құтқару жабдықтарын, шанц аспаптарын тарта отырып, 250 мың текше метрден астам үйінділерді бөлшектеді.

Түркия тұрғындары қазақстандық құтқарушыларға көмегі мен кәсібилігі үшін бірнеше рет алғыс білдірді.

Қарағанды облысы ТЖД баспасөз қызметінің ақпараты бойынша