Қарағандылық оқушылар халықаралық STEM-олимпиададағы жеңістері үшін Astana IT University-нің оқу грантын алды

Теміртаулық оныншы сынып оқушылары 8–11 сынып оқушылары арасында "STEM Олимпиада – білім берудегі инновациялар" халықаралық жарыстарында Гран-при жеңіп алды, ал Қарағанды қаласының он бірінші сынып оқушылары Astana IT University-де оқу гранттарының иегерлері атанды.

Зияткерлік сайысқа 280-ден астам команда қатысты – бұл Қазақстан өңірлері мен қалаларының 180 оқу орнынан 500 астам оқушы, сондай-ақ Ресей, Өзбекстан, Қырғызстан оқушылары.

Бас жүлде-Astana IT University-де оқуға арналған екі грант. Сондай-ақ, жүлдегерлер ойын консольдерін, ноутбуктерді, кіріктірілген оқу бағдарламасы бар планшеттерді, смартфондарды, экшн-камераларды, смарт-сағаттарды, электрондық кітаптар алды.

Бас жүлдені Теміртау қаласының № 20 мектеп-лицейінің 10-сынып оқушылары Данил Лазарев пен Артемий Кочетов иеленді. Олардың жетекшісі – Әли Ахмет. Оқушыларға жеңісі үшін кубок пен PlayStation табысталды.

Astana IT University гранттарын Teen Spirit командасы алды – "Дарын" ММЛИ 11-сынып оқушылары Ерасыл Советов пен Әлібек Тастен тапсырды. Жетекшісі – Әсел Қасым.

– Астанада алғаш рет халықаралық деңгейде STEM-олимпиада өткізілді. Биылғы жылы біздің оқушылар Astana IT University-де оқу гранттарын жеңіп алды. Мұндай олимпиадаға қатысу үшін балалар маусым айында сынақтан өтті – оларға винті бар шағын жүк көлігін және қағаз ұшақтарын ұшыру механизмін жасау керек болды. Мұның бәрі олимпиаданың бірінші күні тексеріліп, оларға қосымша тапсырма берілді. Екінші күні 120 сұрақтан тұратын бағдарламалау және модельдеу тестілеуі болды. Екі турдың қорытындысы бойынша оқушылар ең жоғары балл жинады, – деді команда жетекшісі және информатика пәнінің мұғалімі Әсел Қасым.

Олимпиаданы "Astana Innovation" АҚ ұйымдастырды.