Қарағандылық хирургтар балалардағы сынықтарды "иілгіш шегелердің" көмегімен емдейді

2011 жылдан бастап профессор Х.Ж. Мақажанов атындағы көпсалалы аурухананың балалар ортопедиялық бөлімшесінің хирургтары остеосинтез технологиясын "иілгіш шегелермен" немесе ТЭНдермен (TEN) сәтті қолданып келеді. Иілгіш шегелер деп аталатындар жамбас, білек, жіліншік, иық сүйегі және бұғана сүйектері сынған кезде сүйектерді бекіту үшін қолданылады.

Жарты жыл ішінде балалар ортопедиялық бөлімшесінің дәрігерлері 385 шұғыл ота жасады, тағы 160 балаға жоспарлы түрде ота жасалды. Балаларға медициналық көмек МӘМС жүйесі бойынша тегін көрсетіледі.

"Иілгіш шегелермен" немесе ТЭНдермен остеосинтез технологиясы сынған сүйекті арнайы шыбықтармен немесе "шегелермен" сәйкестендіреді және мықтап бекітеді. Олар сүйектің толық қосылуынан кейін ғана алып тасталынады. Бұл технология төрт апталық созылу қажеттілігін жоққа шығарды.

– Бұл технология 12–13 жасқа дейінгі балалардағы түтікше тәрізді сүйектердің диафиздік сынықтарын емдеудің алтын стандарты болып табылады. Ол ауруханада болу мерзімін 5 күнге дейін қысқартады, сүйек сынықтарының қайталама қозғалуын болдырмайды. Сонымен қатар, рентгендерді жиі жасаудың қажеті жоқ. Тағы бір артықшылық – ерте қозғалу мүмкіндігі. Сынық сәйкестендіріліп бекітілгендіктен, пациенттер отыра алады, қозғала алады, – деп түсіндіреді балалар ортопедиясы бөлімшесінің меңгерушісі Шолпан Мұқашева.

Бөлімшедегі пациенттердің бірі 12 жаста. Оған сол жақ жамбас сүйегіне ТЭН орнатылды, бала футбол ойнау кезінде сынық алды. Науқас ауруханаға ығысқан сүйек сынықтарымен келді. Сынық сәйкестендіріліп бекітілді, бірнеше күннен кейін ол шығаруға дайындалады. Биылғы жылы сан жілігі сынып, ТЭН бекітілген ең кішкентай науқас 1 жас 3 айлық сәби болды.

Медициналық сақтандыру қорының Қарағанды филиалының ақпараты бойынша