Көрпешеде отырған мысық: Қарағандыда жаңа мурал пайда болды

Көрпемен қоршалған қара мысық Назарбаев даңғылындағы "Галерея" СҮ жанында орналасқан үйлердің бірінде "отыр". Жаңа мурал Қарағандының урбанистика орталығының бастамасымен салынды.

Картинаның авторы – жазушы және Алматы қаласының суретшісі Тоня Шипулина.

"Жұмыс өте мұқият орындалды, ең бастысы, ол түпнұсқаны дәл қайталайды. Бұл, әрине, автор үшін маңызды. Бұл сурет Қарағанды тұрғындарына қуаныш әкелсін!" – деп жазды Тоня Instagram-да.

Суретті кездейсоқ таңдалған жоқ. Муралды жасаушылардың айтуынша, мысықтар адамдарда жағымды эмоция тудырады.

– Мысықтар көп адамға ұнайды, ал мына марғау тіптен ерекше әсер сыйлайды, – дейді Қарағанды урбанистика орталығының баспасөз хатшысы Алиса Григорьева-Волконитина. – Ол үйдегі жайлылық сезімін сыйлап, ұлттық нақышта жасалған көрпешелерде жатыр. Эскиз қалалық әкімдікте мақұлданды. Біздің жоба менеджері Жанна Ордабаеваның қатысуын атап өткім келеді. Бізді Romantic гүл жеткізуші компания да қолдады.

Барлық техникалық бөлім екі аптаға созылды. Алдымен жұмысшылар ғимараттың бетін тегістеп, сылап шықты.

Содан кейін қала белсенділері Антон Мигай мен Алексей Воеводин сурет салуға кірісті. WOOPPAY компаниясының дизайнерлері бос уақытында муралды тегін бояды. Сондай-ақ AirG командасының жігіттері де көмектесті.

Республика даңғылындағы 16 қабатты үйде арт-объект бойынша жұмыс қайта жанданды. Мурал көтеру құрылғысының жоқтығынан аяқталмай қалған болатын.

Қазір альпинистер мен AirG командасы жұмыс істеуде.

Тамыздың ортасына қарай қабырғада Қарағанды аспаны, батып бара жатқан күн және әуе шарлары пайда болады.

Майқұдықтағы муралдарға арналған эскиздер бар. Қаржыландыру мәселесі шешілуде.

Урбанистика орталығының арқасында қабырға суреттері Қарағандыда 2020 жылы пайда бола бастады. Бүгінде жеті жоба іске асырылды. Суреттерді салған кезде жоғары сапалы қасбеттік бояу қолданылды. Муралдар жақсы сақталған және бірнеше қыстан және ыстық жазда аман қалды. Олардың барлығы орталықтың бақылауында.