Қарағанды облысының Табиғи ресурстар және табиғат пайдалануды реттеу басқармасы барлық ниет білдірушілерді "Бөл, Тапсыр, Қайта өңде!" жобасы аясында қоқысты бөле отырып жинау бойынша сенбілікке қатысуға шақырады. Іс-шара саябақтарды, скверлерді және аула аумақтарын тазарту бойынша "Бірге — Таза Қазақстан" республикалық акциясы шеңберінде өткізіледі.
"Біз облыс тұрғындарын республикалық акцияға белсене қатысуға және табиғатты қорғауға өз үлесін қосуға шақырамыз", — деп Табиғи ресурстар және табиғат пайдалануды реттеу басқармасы қарағандылықтарға үндеу жасады.
Сенбілікке қатысушыларды 2 шілде күні сағат 09:45-те Майқұдықтағы "Колос" аялдамасында күтеді. Іс-шараның басталуы — 10:00. Сенбілікке қажетті жабдықтар беріледі.
Жиналған барлық қоқыс қайта өңдеуге жіберіледі.
Сенбілікке қатысушылар интерактивті экологиялық іс-шараларда үздік нәтижелері үшін бағалы сыйлықтар ала алады.