Қарағандыда ерекше спортшылар арасында облыстық жарыс басталды

Екі жылдық үзілістен кейін Қарағандыда тірек-қимыл аппараты бұзылған, есту және көру мүшелері зақымданған мүгедек спортшылар арасында дәстүрлі облыстық спартакиада басталды.

Екі күн ішінде 200-ден астам спортшы өз шеберліктерін көрсетеді.

Олар Қарағанды облысының барлық қалалары мен аудандарынан жиналды.

Бағдарламаға спорттың бес түрі енгізілген: шағын футбол (есту), дойбы 64 (көру), тоғызқұмалақ (көру, тірек-қимыл аппараты зақымданған спортшылар (ҚҚО), жеңіл атлетика (ҚҚО-дан), үстел теннисі (ҚҚО-дан, есту).

– Біз қатысушылар санының жиналғанына қуаныштымыз, – дейді облыстық мүгедектер спорты бойынша мамандандырылған мектептің басшысы Елена Фархутдинова. – Бұл тек спорт жарыстары ғана емес, кездесулер мен қарым-қатынас. Бүгінгі жарыс – қыркүйек айында өтетін сурдлимпиадалық спорт түрлері бойынша спартакиадаға іріктеу.

Жеке және командалық біріншіліктердегі жеңімпаздар медальдармен және кубоктармен марапатталады. Естеріңізге сала кетейік, 2019 жылы облыстық спартакиадада Жезқазған қаласының командасы бірінші орын алды.