ҚарТУ «Жас Орда» жастар қауымдастығы Қазақстан Тәуелсіздігінің 30 жылдығына арналған «30 игі іс» акциясын бастады. Бір ай ішінде студенттер тұрмысы төмен отбасыларға бірінші қажеттіліктегі азық-түлікті таратады, балалар үйінің тәрбиеленушілері үшін шығармашылық шеберлік сыныптарын, ауыр сырқаты бар балаларға көмектесу үшін қайырымдылық спорттық турнирлерін, донорлық қан тапсыру бойынша акциялар, экосенбіліктер және т.б. өткізеді.
– «30 игі іс» – бұл жай ғана акция емес, бұл студенттер мен еріктілер үшін өз Отанына және оның азаматтарына сүйіспеншілік көрсетуге, жақсылық әрқайсымыздан басталатынын көрсетуге мүмкіндік. Бір апта ішінде жеті қайырымдылық іс-шара өткізілді, – деді Жастар қауымдастығының төрағасы Ілияс Смаилов. – Ал 30 күн ішінде біздің белсенділер кемінде 30 қайырымдылық және волонтерлік акция ұйымдастырады.
Осылайша, студенттер «Асем» және «Таңшолпан» балалар үйлеріне ойыншықтар әкелді, «Благодать» қарттар үйінде ойын-сауық бағдарламасымен болды, мұқтаж адамдарға азық-түлікпен көмектесті, жеке үйлерде тұратын қарттардың аулаларын жинады және т. б.