Жеңіс Қасымбек ауылдық өрт сөндіру жасақтары үшін техниканы көбірек сатып алуды тапсырды

Қарағанды облысының әкімі Жеңіс Қасымбек ауылдық өрт сөндіру құрамаларын, әсіресе шалғай аудандарда, қосымша техникамен жабдықтауды тапсырды.

– Облыстық бюджеттен біз ТЖД-ға үлкен қолдау көрсетеміз. Ведомствоның материалдық-техникалық жабдықтау жоспарының іске асырылуын ерекше бақылауға алу қажет. Мұны жергілікті жерлерде бақылау керек. Өрт сөндіру бекеттерін құру бойынша жұмысты жалғастыру, ерікті өрт сөндіру құрамаларын тіркеуді жеделдету қажет, – деді өңір басшысы онлайн режимде өткен аппараттық кеңесте.

ТЖД бастығы Мұрат Қатпанов қазіргі уақытта ауылдық елді мекендерде 38 өрт сөндіру бекеттері жұмыс істейтінін хабарлады. 2023 жылға дейін тағы 21-ін құру жоспарлануда.

– Табиғи өрттерді сөндіруге 505 ерікті өртке қарсы құрамалар қатысады. Еріктілердің қоғамдық бірлестіктері он қала мен ауданда тіркелген. Мемлекеттік ұлттық табиғи парктер мен орман және жануарлар дүниесін қорғау жөніндегі орман мекемелерінің 10 орман өрт сөндіру станциясы тұрақты дайындықта, – деп баяндады ведомство басшысы.

Оның айтуынша, «Ермак» мобильді кешендері табиғи өрттермен күресте өз тиімділігін көрсетті. Жергілікті бюджет қаражатына 55 кешен сатып алынды.

2022–2024 жылдарға арналған ТЖД материалдық-техникалық жабдықтау жоспары қабылданды. Жаңа жабдықты сатып алуға 4,4 млрд теңге қарастырылған.

ТЖД мәліметінше, облыста өрт саны 21%-ға төмендеді, жыл басынан бері 651 оқиға тіркелді. Сонымен қатар, жазда қатты жылу мен құрғақшылықтың салдарынан дала мен орман өрттері проблема тудырды, олармен күресу үшін барлық күш-жігерді тастауға тура келді.