Қарағанды тігін фабрикасында 250-ден астам адам жұмысқа орналасады

«Ютария ltd» компаниялар тобы Қарағандыда тігін фабрикасын ашты. Жаңа өндірісте 250-ден астам адам жұмысқа орналастырылады. Толық өндірістік қуаттылықпен мұнда жылына 350 мыңнан астам тігін бұйымдары шығарылады.

ҚР премьер-министрінің орынбасары Роман Скляр Қарағанды облысына жұмыс сапары аясында кәсіпорынның қызметімен танысты.

Жаңа кәсіпорын медициналық қызметкерлерге арналған маскалар, халаттар мен жиынтықтар тігуге мамандандырылған. Бұдан басқа, мұнда көмір өнеркәсібі кәсіпорындары үшін арнайы киім, трикотаж бұйымдары, үй тоқыма бұйымдары және т. б. тігіледі.

Фабрикада заманауи өндірістік жабдықтар орнатылған. Үлгілер мен макеттерді автоматтандырылған шаблондық жобалау жүйесі енгізілді және жұмыс істейді.

Мұнда тігінші, тігін өндірісінің конструкторы және технологы сияқты мамандықтарға оқыту және қайта оқыту орталығы ашылды. Жұмысшы кәсіпорындар әлеуметтік қорғалған. Олардың барлығында толық әлеуметтік пакет және тұрақты жалақы бар.

Естеріңізге сала кетейік, «Ютария ltd» ӨИК тарихы Жезқазғанда 2002 жылы тігін фабрикасының құрылысынан басталды, онда барлығы 40 адам еңбек еткен болатын. Жыл сайын компания өзінің өндірістік қуатын арттырды. Бүгінде оның кәсіпорындары Қарағанды, Сәтбаев, Көкшетау, Степногорск, Балқаш, Өскемен және Нұр-Сұлтан қалаларында ашылған. Компания кәсіпорындарында 2 мыңнан астам адам еңбек етеді. Олардың 80%-дан астамы – әйелдер.