Мемориалды тақталар тарихтың куәгерлері ретінде: Қарағанды кітапханасы жаңа жоба ұсынды

Н. В. Гоголь атындағы облыстық әмбебап ғылыми кітапханасы "Ашық аспан астындағы мұражай: мемориалдық тақталардағы Қарағанды тарихы" атты жаңа өлкетану онлайн жобасын іске қосты. Ол жерлестер туралы естелікті сақтауға және жастардың өлкетану білімін кеңейтуге арналған.

Кітапхананың Өлкетану бөлімі 2009 жылы үлкен ізденіс және зерттеу жұмыстарын жүргізді. Оның негізінде "Қала тарихындағы есімдер" библиографиялық көрсеткіші дайындалды. Өлкетанушылар көше атаулары берілген адамдар туралы ақпарат жинады. Кейінірек виртуалды экскурсия жасалды. Бірақ мемориалды тақталар кеншілер шаһарының тарихы туралы одан да көп нәрсе айта алады.

- Көбінесе мемориалдық тақталары бар үйлерде тұратын адамдар ол тақталар кімге орнатылғанын білмейді. Қалалықтардың, ең алдымен жастардың ой-өрісін кеңейткіміз келеді. Мемориалдық тақталардың арқасында өткеннің ең маңызды оқиғаларын байқауға, көрнекті тұлғалар мен қызықты фактілер туралы білуге болады. Әр ескерткіш тақта - ашық аспан астындағы үлкен мұражайдың экспонаты, оны тамашалау әрдайым тегін, - дейді ғалым хатшы Валентина Пак.

Бүгінгі таңда кітапхана анықтамалығында мемориалдық тақталарда мәңгілікке қалдырылған қарағандылықтардың 100-ге жуық есімі бар. Ол әрдайым жаңа деректермен толықтырылып отырады. Қаланың көрнекті тұлғалары туралы көбірек білу үшін кітапханашылар әлеуметтік желілердегі парақшаларында ақпаратпен бөлісуді ұйғарды.

Келесі аптада өлкетанушылар бірнеше қарағандылықтар туралы айтып береді. Бұл қысқаша библиографиялық анықтама, тақтаның суреті және ол орналасқан үйдің нөмірі болады.

Қарағанды тұрғындары аға лейтенант Нұрлан Байғаскин, жол полициясының инспекторы Рустам Мәжитов, С. Сейфуллин атындағы Қарағанды театрының режиссері және актері Рамазан Баймағанбетов пен соғыс ардагері, кенші Халит Хальфин туралы біледі.

"Ашық аспан астындағы мұражай: мемориалдық тақталардағы Қарағанды тарихы" жобасының толық нұсқасымен мына сілтеме бойынша танысуға болады.