Нәзік жандыларға тән емес мамандық: Қарағанды облысының тұрғыны құтқарушы болып жұмыс істейді

Алмагүл Дауылбаева - Жезқазған қаласының құтқару бөлімшесінің бас құтқарушысы. ТЖ қызметінде жұмыс істеген 11 жыл ішінде ол алты адамды құтқарған.

Алмагүл 2011 жылы Айнакөл көлінде қайықпен патрульдеу кезінде екі адамды құтқарған. 2012 жылы мас күйінде суға сүңгіп, тасқа басы соғылып, есінен танып қалған ер адамға көмектесті. Алмагүл әріптесімен бірге зардап шегушіні жағаға шығарып, оған алғашқы медициналық көмек көрсеткен. 2018 жылы да су қоймасын жүзіп өте алмаған адамның өмірін сақтап қалды.

Құтқарушы болып жұмыс істеген уақытта өзі үшін осындай күрделі мамандықты таңдаған әйелдің марапаттары аз емес.

Алмагүл - керемет ана және отанасы. Бос уақытында ол тамақ пісіруді және жақын адамдарын қуантуды ұнатады.

Қарағанды облысы ТЖД баспасөз қызметінің ақпараты бойынша