Қарағандыда Qaragandy habary атты қазақ тіліндегі апталық қалалық газетінің бірінші нөмірі жарық көрді. Басылым Өңірлік коммуникациялар қызметінде өткен брифингте таныстырылды.
- Бұл қазақ тіліндегі алғашқы қалалық газет. Біз қарағандылықтар туралы, қаладағы өмір және орын алған проблемалар туралы айтатын боламыз. Бірінші нөмір Әлихан Бөкейханов туралы мақаладан басталды. Газетіміздің ұраны: "Халыққа қызмет ету білімнен емес, мінезден", - деді газеттің бас редакторы Ләззат Қожахметова.
Газет құрылтайшысы - меценат және бизнесмен Бақтыбай Жүнісов.
Бірінші нөмір тегін таратылды. Бас редактордың айтуынша, басылымға жазылу ұйымдастырылады. Газет сайтын ашу да жоспарда бар.