Гоголь атындағы Қарағанды кітапханасында Мұқағали Мақатаевтың мерейтойына арналған мерекелік бағдарлама өтеді

Н. В. Гоголь атындағы Облыстық әмбебап ғылыми кітапханасы қарағандылықтарды "Мұқағали - мәңгілік ғұмыр" әдеби-сазды кешіне шақырады. Мерекелік бағдарлама ақын Мұқағали Мақатаевтың 90 жылдығына арналған.

Іс-шараға Қазақстан Жазушылар одағының Қарағанды облыстық филиалының төрағасы жазушы Серік Сағынтай, белгілі әнші Сейіл Аяған, ақын Руслан Нұрбай, жазушы Алмаз Мырзахмет, күйші Мадияр Сүлейменов, сондай-ақ жас ақындар Еркебұлан Елеусізұлы, Ерік Нарын және Бектас Жұман қатысады.

Бұл күні Мұқағали Мақатаевтың өмірі туралы әңгіме өрбіп қана қоймай, оның өлеңдері мен әндері де шырқалады. Әдеби кеш барысында "Жыр-Жауһар" шығармашылық орталығының мүшелігіне жастарды қабылдау өтеді.

Кеш 25-ші ақпан, сағат 15.00-де кітапханада өтеді.