Қарағанды облысы Абай ауданының тұрғыны Богдан Ясаков Чикаго зерттеу университетіне оқуға түсті. Университет американдық үздік бес университеттің қатарына кіреді және әлемде 9-шы орында. Богдан осы оқу орнында білім алуға шақырылған алғашқы қазақстандық.
Жас жігіт IQanat High School of Burabay-дің 10-сыныбында оқиды. Оның сынақ нәтижелері - IELTS 7.5, Duolingo 125, TOEFL 99.
- Менің сүйікті пәндерім - ағылшын тілі және биология. Мен сондай-ақ психологиямен, тілдерді үйренумен, классикалық әдебиетпен, смарт-гаджеттермен және тамақ дайындаумен айналысамын, - дейді Богдан.
Жас жігіттің жетістіктер қоржынында "Русский медвежонок" және British Buldog халықаралық тілдік байқауларында; "Санкт-Петербургтің тарихы мен мәдениеті" халықаралық олимпиадасында; Биология бойынша республикалық олимпиаданың облыстық турында; Е. Бөкетов атындағы ҚарУ-нің психология бойынша ғылыми жобалар байқауында жүлделі орындар иеленген. Сондай-ақ, тәуелсіз және республикалық байқауларда баяндама жасаған.