Қарағандыда "Бір шаңырақ астында" облыстық суреттер байқауының қорытындысы шығарылды

Достық үйінде "Бір шаңырақ астында" балалар шығармашылық байқауының жеңімпаздары марапатталды. Оны Қарағанды облысының әйелдер Альянсы мен іскер әйелдер қауымдастығы ұйымдастырды.

Бір ай ішінде ұйымдастырушыларға 700-ден астам сурет келді. Шалғай елді мекендерден келген оқушылар белсенділік танытты. Сайыс бірнеше жас санаттары бойынша өтті: 6-8, 9-11 және 12-15 жас.

Қазылар алқасы ретінде өнер сыншылары қатысты. Нәтижесінде 35 жас суретші сыйлықтар мен дипломдармен марапатталды. Сыйлықтардың ішінде ақылды сағаттар, станоктар және сурет жинақтары болды. Барлық қалған қатысушылар сертификаттар алды.