Қарағанды облысында әкімдердің халықпен есептік кездесулері қалай өтеді

Коронавирустық инфекцияның таралуын болдырмау үшін аудандар мен қалалар әкімдерінің халықпен қорытынды есеп беру кездесулері негізінен әкімдіктердің ресми әлеуметтік желілердегі парақшаларында онлайн-режимде өтеді, ал кейбір жағдайларда жергілікті телеарналарда трансляциялар жүргізілетін болады.

Офлайн есеп беру кездесулері қолайлы санитарлық-эпидемиологиялық жағдайы бар өңірлерде өтеді. Сондай-ақ интернеті жоқ ауылдық елді мекендерде. Бұл ретте барлық санитарлық-эпидемиологиялық талаптар сақталатын болады. Қатысушылар саны 30 адамнан аспауы тиіс. Егер көп болса, онда есеп топтар бойынша кезекпен өтеді.

Аудандар мен қалалар әкімдерінің есептік кездесулері 1 ақпаннан басталады, ал 13 қаңтардан бастап ауылдар мен кенттер басшыларының есептері өтуде.

Қалалар мен аудандарда ұсыныстар мен ескертулерді жинау үшін Call-орталықтың телефоны жұмыс істейтін болады.