Қарағандыдағы «Шалқыма» сахнасында Паганини мен Чайковскийдің шығармалары шырқалады

«Шалқыма» концерт залында Еркеғали Рахмадиев атындағы Қарағанды академиялық симфониялық оркестрінің концерті өтеді. Музыка сүйер қауымды 16 мамыр күні сағат 17:00-де өтетін әуенді кешке шақырады.

Кеш бағдарламасында Никколо Паганинидің скрипка мен оркестрге арналған №1 ре мажор концерті және Пётр Чайковскийдің си минордағы №6 «Патетикалық» симфониясы орындалады.

Солист — халықаралық байқаулардың лауреаты Сағадат Омарғазин (скрипка, Астана). Ол 2024 жылы Австрияда өткен скрипкашылардың XIX халықаралық байқауында жеңімпаз атанған.

Дирижёрлік тізгінді Айдар Торыбаев ұстайды.

Концерт Костенко көшесі, 7 мекенжайында өтеді. Кеш жүргізушісі — Людмила Гольская.

Қосымша ақпаратты мына телефон нөмірлері арқылы алуға болады: 41-22-28, 42-54-72, 41-22-36.