Қарағандылық музыканттар мен әртістерге өнер көрсету үшін тегін алаң ұсынылады

Қарағанды облыстық бейнелеу өнері мұражайы музыканттарды, әншілер мен әртістерді шығармашылық кешке қатысуға шақырады. Өтінім қабылдау басталып кетті.

«Қарағандының көркем шежіресі» атты кеш 14 мамыр күні сағат 18:30-да өтеді және облыстың 90 жылдығына арналады.

Қатысуға шығармашылық нөмірлері бар орындаушылар шақырылады. Басымдық Қарағанды мен облысқа, олардың тарихы мен қалыптасуына арналған қойылымдарға беріледі. Алайда тақырып бойынша қатаң шектеулер қарастырылмаған.

Өтінімді +7-701-455-54-03 нөмірі арқылы немесе мұражайдың Instagram желісіндегі парақшасына (@karaganda_muzei_izo) 30 сәуірге дейін жолдауға болады. Портфолио талап етілмейді.