Бизнес және әзірлеме: «Террикон алқабында» сәуір айындағы неконференцияға тіркелу ашылды

Қарағандыда 24 сәуір күні «Бизнес және әзірлеме» тақырыбында неконференция өтеді. Іс-шара кәсіпкерлерге, стартаперлерге, ақпараттық қауіпсіздік мамандарына, әзірлеушілерге, сондай-ақ компания басшылары мен менеджерлеріне пайдалы болмақ.

Қатысушыларды сарапшылармен тәжірибе алмасу, спикерлермен тікелей байланыс, нетворкинг, кәсіби байланыстар орнату және бизнес пен IT саласындағы нақты кейстермен танысу мүмкіндігі күтіп тұр.

Бағдарлама екі бағытқа бөлінген — бизнес және әзірлеме. Сессиялар бір мезгілде екі конференц-залда қатар өтеді.

Спикерлер қатарында:

Әзірлеме бағыты

Аружан Қалдыбек, Cybersecurity Researcher, MSSP GLOBAL.

Тақырыбы: «AI дәуіріндегі қауіпсіз әзірлеме»:

* жасанды интеллекттің киберқауіпсіздікке әсері;

* 2026 жылғы заманауи қауіптер;

* AI мен киберқауіпсіздіктің синергиясы.

Эльвира Нұғманова, Tech Product Owner, Bereke Bank.

Тақырыбы: «Өткенге хат: бастаушы менеджерге кеңестер»:

* бастапқы кезеңдегі қорқыныштар;

* жиі кездесетін қателіктер;

* өсуге арналған практикалық құралдар.

Ералы Надыров, ИГУиП бас ғылыми қызметкері.

Тақырыбы: «Локалды AI модельдері және олардың маңызы»:

* open-source және цензурасыз модельдер;

* практикалық қолдану;

* локалды AI шешімдерін іске қосу.

Бизнес бағыты

Сергей Коптик, Kcell компаниясының цифрлық қаржылық сервистер жөніндегі жетекшісі.

Тақырыбы: «Цифрлық қаржылық сервистер: карталармен 10 жылдық бәсеке»:

* мобильді төлемдердің дамуы;

* интеграция кейстері;

* бонустық механизмдер мен өнімдердің өсуі.

Евгений Ваниев, «1С:Франчайзинг Ваниев» компаниялар тобы.

Тақырыбы: «Нәтиже үшін қалай төлеу керек»:

* IT саласындағы төлем модельдері;

* KPI мен outcome айырмашылығы;

* performance-based тәсілінің тәуекелдері.

Марат Шәкен, Tech People негізін қалаушы және CEO.

Тақырыбы: «Стартап айналасында қауымдастық құру»:

* комьюнити не үшін қажет;

* алғашқы қатысушыларды қайдан табуға болады;

* аудиторияны ұстап қалу және дамыту жолдары.

Неконференция онлайн және офлайн форматта «Террикон алқабы» IT-hub алаңында (Алалыкин көшесі, 12) өтеді.

Басталуы — 18:30.

Тіркелу сілтемесі: terricon.kz.

Қатысу тегін.

Іс-шара Қарағанды облысының ақпараттандыру, мемлекеттік қызметтер көрсету және архивтер басқармасының қолдауымен ұйымдастырылып отыр.