Қарағандылықтарды классикалық музыка кешіне шақырады

Қарағандыдағы Еркеғали Рахмадиев атындағы академиялық симфониялық оркестр классикалық музыка кешін өткізеді. Бағдарламада үрмелі және ішекті аспаптарда орындалатын әлемдік классиканың танымал туындылары ұсынылады.

Концерт 10 сәуір күні сағат 18:30-да «Amanat» партиясының концерт залында (Әлиханов көшесі, 4) өтеді.

Классикалық музыка әуесқойлары алдында халықаралық байқаулардың лауреаттары — флейташы Ольга Абдрахманова мен скрипкашы Александра Иванова өнер көрсетеді. Дирижёрлық пультте — композитор, халықаралық байқаулардың лауреаты Әбілқайыр Сағымбаев.

Кеш бағдарламасында: Вольфганг Амадей Моцарттың «Серальдан алып қашу» операсына увертюрасы; Гельмер-Райнер Синисалоның флейта мен оркестрге арналған ре мажордағы концерті (1940); Петр Ильич Чайковскийдің «1812 жыл» салтанатты увертюрасы (№49 шығарма); Тілес Қажғалиевтің флейта, скрипка және камералық оркестрге арналған концерті, сондай-ақ өзге де шығармалар орындалады.