Дала дәстүрі: Бұқар жырау ауданында ең жылдам тазылар таңдалды

Бұқар жырау ауданының Қушоқы ауылында қазақтың тазы аңшылық иттерінің дәстүрлі жүгіруі –  шырға тартудан жарыс өтті. Турнирге жүзден астам адам қатысты: 78 ересек ит пен 36 күшік шықты. Жарыс географиясы Астана, Балқаш, сондай-ақ Ақмола, Павлодар және Қарағанды облыстарын қамтыды.

Ересектер арасында Қарқаралы ауданынан (Едірей ауылы) келген Желқара атты ит (иесі – Азамат Төкешов) бірінші орынды иеленді. Екінші орын балқаштық Көкдауылға бұйырды (иесі – Ерлан Шыныбеков), үшінші орын Едірей ауылының Еркеқызына бұйырды (иесі – Азамат Төкешов).

Күшіктер жарысында астаналық Мұзбалақ (иесі – Сүйіндік Жанахметов) жеңіске жетті. Екінші орынды Қарахан (иесі – Серік Сисабаев), үшінші орынды Қарқаралы ауданынан келген тазы ит Құлпынай (иесі – Азамат Төкешов) иеленді.

Ұйымдастырушылардың айтуынша, турнирдің басты мақсаты – ұлттық дәстүрлерді насихаттау және тазылық мәдениетін сақтау. 

Қыс мезгілінде, аңшылық маусымы ашылғанша, иелері иттерді аңшылыққа баулиды. 15-ші ақпанда шырға тарту бойынша жарыс басталады.

– Біз үшін бірінші орында қауіпсіздік тұр. Әрбір ит басында жеке жайда болады және қашықтыққа қатаң түрде тұмылдырықпен шығады. Бұл жарақаттар мен жанжалдарды болдырмайды. Жарыс қыста өтетіндіктен, трассаны алдын ала қардан тазартамыз. Биыл турнир алғаш рет осындай форматта өтті. Сондықтан, иттердің құжаттары талап етілмеді. Алдағы уақытта жарыстың ауқымын кеңейтіп, тек тіркелген тазыларды ғана қатыстыруды жоспарлап отырмыз, – деп атап өтті ұйымдастырушылардың бірі Азамат Төкешов.

Жеңімпаздар мен жүлдегерлер кубоктармен, медальдармен, грамоталармен және ақшалай сертификаттармен марапатталды.