Қарқаралыда үздік шаңғышы-марафоншылар анықталды

Қарқаралы қаласының шаңғы базасында V ашық республикалық шаңғы марафоны өтті. Жарысқа қысқы спорт түрлерін сүйетін әуесқойлар, кәсіби спортшылар, қала тұрғындары және елдің әртүрлі өңірлерінен келген қонақтар қатысты: Астана, Көкшетау, Павлодар, Қарағанды қалаларынан және облыстың аудандарынан шамамен 80 спортшы.

Жарыс бірнеше қашықтықта ұйымдастырылды: мектеп жасындағы қыздар – 5 шақырым, мектеп жасындағы ұлдар – 10 шақырым, әйелдер – 15 шақырым, ерлер – 30 шақырым.

Жарыс қорытындысы бойынша ең мықты спортшылар анықталды. 

Жобаға бес жыл бойы бастамашы және ұйымдастырушысы болып келе жатқан — марафоншы Думан Бейсенаев. Оның айтуынша, Қарқаралыда марафон өткізудің идеясы халықаралық тәжірибеден туған.

— Мен жиі шетелдік марафондарға қатысамын және онда қысқы спорттың қаншалықты дамығанын көремін. Мысалы, өткен жылы Швейцарияда мен қатысқан марафонға шамамен 15 мың спортшы қатысты. Бізде де шаңғы спорты мен туризмді осындай көлемде дамытуға ниеттіміз. Біздің марафонға 9 жастан 70 жасқа дейінгі кез келген адам қатыса алады. Жарысқа қызығушылық жыл сайын өсіп келеді: алғашқы жылдары 20–30 адам қатысса, қазір шамамен 80 спортшы бар. Алматы, Көкшетау, Щучинск, Теміртау, Шахтинск және басқа қалалардан спортшылар келеді, — деді Думан Бейсенаев.

Ұйымдастырушылар қауіпсіздік мәселесіне ерекше көңіл бөлді. Марафон кезінде жедел медициналық көмек бригадалары мен полиция қызметкерлері кезекшілік етті, трассаны төрешілер мен жаттықтырушылар бақылады.

Тау-ормандық аймақтағы шаңғы трассын дайындау көп күш-жігерді талап етті. Ұйымдастырушының айтуынша, жыл сайын техникалық құралдар мен қолмен тегістеу арқылы шамамен бес шақырым трасса дайындалады.

— Мұнда рельеф күрделі. Болашақта трассаны кеңейтіп, оны халықаралық стандарттарға сай етуді көздеп отырмыз, алайда бұл үшін ұлттық табиғи парктың ресми рұқсаты қажет. Егер мұндай жұмыстар жазғы кезеңде жүргізілсе, марафонды жоғары деңгейге көтеруге болады, — деп атап өтті Думан Бейсенаев.

Жеңімпаздар ақша жүлдесі мен бағалы сыйлықтармен марапатталды,

ал барлық қатысушыларға жеке эскиз бойынша жасалған естелік медальдар табыс етілді. Бұл іске меценаттар қолдау көрсетті.

Фото: Қарқаралы ауданы әкімдігі