Экологиялық жоба: Е. А. Бөкетов атындағы Қарағанды университетінде пайдалы жәндіктерге арналған «қонақ үй» ашылды

Е. А. Бөкетов атындағы Қарағанды ұлттық зерттеу университетінің ғалымдары мен студенттері халықаралық экологиялық бастаманы қолдап, жәндіктерге арналған «қонақ үй» ашты. Қар ҰЗУ осындай жобаны іске асырған алғашқы отандық ЖОО болды.

Жәндіктердің үйлері бірінші кезекте жәндіктердің биологиялық әртүрлілігін сақтауға арналған. Сондай-ақ студенттердің экологиялық санасын дамытуға көмектеседі.

– Мұндай жобалар басқа елдерде де бар және біз осы идеяны қабылдауды шештік, – дейді Buketov Insect Village жобасының жетекшісі Жанерке Блялова. – Үйлердің өздері – қабығы, бүрлері әртүрлі ағаш конструкциялар. Оларда жалғыз басты бал аралары жұмыртқа қоя алады, ал қатты қанатты қоңыздар табиғи баспанадағыдай қыстай алады. Конструкциялар жасанды интеллекттің көмегімен зиянкестерге ыңғайсыз болатындай етіп жобаланған. Барлық бастама пайдалы жәндіктерді сақтауға бағытталған.

«Қонақ үйді» кішкентай қонақтарға тамақтану көзі болу үшін биологиялық факультеттің аумағындағы гүлзарлармен қатар орналастырды. Студенттер мен оқытушылар қоңыздар мен бал араларын өздерінің табиғи ортасында көре алады.

Бұдан басқа, жобаны ғылыми мақсаттарда пайдалану жоспарлануда: студенттер бақылау негізінде дипломдық жұмыстарды жаза алады, ал ғалымдар ұзақ мерзімді мониторинг жүргізіп, жәндіктердің тіршілік әрекеті туралы қорытынды жасайды.

Buketov Insect Village аумағы келушілер үшін ашық. Барлық ниет білдірушілерге университет меншігі мен бал араларының, қоңыздардың және т. б. тіршілік ету ортасына ұқыпты қарау ұсынылады.