Шахтинск технологиялық колледжі дәнекерлеу ісі бойынша халықаралық деңгейдегі мамандарды даярлауда

Шахтинск технологиялық колледжі «дәнекерлеу ісі» мамандығы бойынша халықаралық салалық аккредиттеуден өтті. Оқу орны дәнекерлеушілерді халықаралық стандарттарға сәйкес дайындайды.

Аккредиттеу Халықаралық дәнекерлеу институтының (IIW) талаптарына және ISO 9606 стандарттарына сәйкес жүргізілді. Рәсім IIW ұлттық серіктесі KazWeld Қазақстандық дәнекерлеу қауымдастығының қатысуымен өтті. Сарапшылар колледждің білім беру бағдарламаларын, материалдық-техникалық базасын, оқытушылардың біліктілігін және студенттердің дайындық деңгейін бағалады.

Аккредитация колледжге түлектердің халықаралық біліктіліктер мен IW сертификаттарын алуға бағдарланған білім беру бағдарламаларын дамыту, сондай-ақ «Халықаралық дәнекерлеуші» біліктілігін бере отырып, ересектерді оқытуды жүргізу құқығын береді.

Оқу орнының қызметкерлері де жоғары дайындық деңгейін растады. Өндірістік оқыту шебері Еуропалық дәнекерлеу федерациясының (EWF) схемасы бойынша қолмен доғалы дәнекерлеу технологиясы бойынша халықаралық тәжірибе және табақ материалын дәнекерлеуші дипломын алды. Арнайы пәндер оқытушысына дәнекерлеу бойынша халықаралық маман мәртебесі берілді. Бұдан басқа, екінші және үшінші курстың 10 студенті халықаралық практикалық аттестаттаудан сәтті өтті.

– Халықаралық аккредитация колледждің шетелдік серіктестермен ынтымақтастық, озық білім беру және өндірістік технологияларды енгізу, сондай-ақ өнеркәсіптік кәсіпорындармен байланысты нығайту мүмкіндіктерін кеңейтеді. Студенттер үшін бұл еңбек нарығындағы бәсекеге қабілеттілікті арттырудың және халықаралық сапа мен қауіпсіздік стандарттарына бағдарланған кәсіпорындарда жұмыс алудың нақты мүмкіндігі, – деп атап өтті колледж директорының оқу-өндірістік жұмыс жөніндегі орынбасары Валентина Тарасова.

Бүгінде колледжде 832 студент білім алуда. Дайындық 12 мамандық пен 15 біліктілік бойынша жүргізіледі. Оқу орны техникалық шығармашылық пен инновацияны белсенді дамытуда: «Электроника» және «3D-модельдеу» бағыттары бойынша инженерлік және ақпараттық технологиялар саласындағы мамандарды даярлауға бағытталған құзырет орталықтары жұмыс істейді.

Студенттердің басым бөлігі жұмысшы және техникалық мамандықтарды, оның ішінде «дәнекерлеу ісі (түрлері бойынша)» мамандығын игеруде, ол өңір мен ел өнеркәсібінде сұранысқа ие мамандықтардың бірі болып қалуда. Білікті дәнекерлеушілер құрылыс, машина жасау, энергетика, тау-кен металлургиясы және басқа да салаларда қажет.

Мамандарды даярлау қолмен доғалы, жартылай автоматты және дәнекерлеудің басқа да түрлеріне арналған жабдықтармен, бақылау-өлшеу аспаптарымен, сондай-ақ IIW және ISO талаптарына сәйкес келетін оқу және сандық ресурстармен жабдықталған қазіргі заманғы дәнекерлеу шеберханалары мен зертханаларының базасында жүргізіледі.