QarTech хабында біліктілікті арттыру курстарына тыңдаушыларды қабылдау басталды

Әбілқас Сағынов атындағы Қарағанды техникалық университетінің базасында Қарағанды облысының кәсіпкерлік және өнеркәсіп  басқармасының қолдауымен құрылған QarTech өңірлік инновациялық-индустриялық хабы өнеркәсіптік кәсіпорындардың инженерлі-техникалық мамандарына арналған біліктілік арттыру курстарына қабылдау ашылғанын жариялайды. 

Әрбір курсты білікті оқытушылар және тәжірибелі, осы салада жұмыс істейтін сарапшылар жүргізеді.

Қатысушыларға келесі бағдарламалар қолжетімді:

1. ​Көмір химиясы және жасыл технологиялар.

2. ​Машина жасау бұйымдарын 3D модельдеу.

3.​ Геофизикалық деректері түсіндіру.

4. ​Өнеркәсіптік робототехника мен мехатрондық жүйелер.

5. ​Металлтану және металдарды термиялық өңдеу.

6.​ Тұрақты даму және қалдықтармен жұмыс істеудің ресурс үнемдеуші принциптері.

Оқу 2025 жылғы желтоқсан айының 1-нен бастап 12-не дейін өтеді, көлемі – 72 академиялық сағат, форматы – тәжірибелік тапсырмаларды қамти отырып, күндізгі оқу.

Тіркелу qartech.kstu.kz сайтында 2025 жылғы 26 қарашаға дейін қолжетімді.