Қарағандылық оқушылар квиллинг өнерін үйренеді

Қарағанды облыстық Абай атындағы балалар кітапханасында квиллинг техникасы бойынша шеберлік сабағы өтеді. Онда оқушылар тәжірибелі ұстаздың жетекшілігімен қағаздан сәнді панно дайындайды.

Тегін шеберлік сабағына 16 қараша күні сағат 15:00-де барлық ниет білдірушілер шақырылады. Кітапханашының көмегімен балалар күзгі шетен бұтағын бейнелейтін әсем панно жасайды. Қатысушылар түрлі-түсті қағаздардан шиыршықтар орап, оларды әдемі өрнек түрінде орналастырып, квиллинг техникасының қыр-сырын меңгереді.

– Шеберлік сабағы 7–10 жас аралығындағы балаларға арналған. Барлық қажетті материалдарды кітапхана ұсынады, сондықтан қатысушылар өздерімен ештеңе алып келмейді, – деді Абай атындағы облыстық балалар кітапханасының директоры Баян Уатаева.

Абай атындағы облыстық балалар кітапханасының мекенжайы: Бұқар жырау даңғылы, 30